Friday, January 13, 2012

ചെറു ചിന്ത

സ്പന്ദനം   

ചുരുക്കത്തിലെഴുതിയാല്‍
ചേര്‍ച്ചയെന്നിരിക്കിലും..
ചുരുക്കി ചെറുതായാല്‍
കുരുക്കാണെന്നതും..
ചണനൂലില്‍ തുന്നുന്ന
ചാക്ക് പോല്‍ തോന്നുന്ന..
സങ്കല്‍പ്പലോകത്തിന്
സന്നി‍വേശങ്ങളില്..‍
സാങ്കല്പ്പികങ്ങളാം
കാല്പനികതകളില്‍ ...
കാലിടറുന്നൊരാ
ബുദ്ധിസാമര്‍ത്ഥ്യങ്ങള്..
കാലനാകുന്നതോ ....?
കഷ്ടനഷ്ടങ്ങളില്‍....

നന്ദിനി  ‍

Sunday, January 8, 2012

സത്യത്തിലെ സത്വം

സ്പന്ദനം


സത്യം സത്യമാകുന്നത്
അസത്യത്തിന്‍ അഭാവത്തിലെന്നതില്‍ ..
അസ്വാഭാവികത
അശേഷം ഇല്ലെന്നിരിക്കില്‍..
അസത്യത്തിന്‍ സത്യാവിഷ്കാരം
സത്യാന്വേഷികള്‍ക്കൊരു
സത്വമാകുമ്പോള്‍ ...
സത്യത്തിന്‍ പൊരുള്‍ നീതിന്യായങ്ങളില്‍
സംരക്ഷിതം ...!


നന്ദിനി
  

Wednesday, January 4, 2012

വളരുന്ന നാവുകള്‍

സ്പന്ദനം

വളരുന്ന നാവുകള്‍
വളര്‍ന്ന രോഷത്തില്‍,
വളരും ദോഷത്തെ ..
വളര്‍ത്തുദോഷമായ്‌
വിലയിടുമ്പോള്‍ ...
സ്വയമേവ അന്ധരാം
ദോഷൈകദൃക്കുകള്
സ്വഭവനത്തിന്‍
വളര്‍ത്തുദോഷങ്ങള്...
അറിയും അന്യര്‍ തന്‍
വളരുന്ന നാവിലെ
അപശ്രുതികളാം ..
വളര്‍ത്തുദോഷങ്ങളായ്..


നന്ദിനി