ചെറു ചിന്ത

സ്പന്ദനം   

ചുരുക്കത്തിലെഴുതിയാല്‍

ചേര്‍ച്ചയെന്നിരിക്കിലും..

ചുരുക്കി ചെറുതായാല്‍

കുരുക്കാണെന്നതും..

ചണനൂലില്‍ തുന്നുന്ന

ചാക്ക് പോല്‍ തോന്നുന്ന..

സങ്കല്‍പ്പലോകത്തിന്

സന്നി‍വേശങ്ങളില്..‍

സാങ്കല്പ്പികങ്ങളാം

കാല്പനികതകളില്‍ ...

കാലിടറുന്നൊരാ

ബുദ്ധിസാമര്‍ത്ഥ്യങ്ങള്..

കാലനാകുന്നതോ ....?

കഷ്ടനഷ്ടങ്ങളില്‍....

നന്ദിനി  ‍

സത്യത്തിലെ സത്വം

സ്പന്ദനം

സത്യം സത്യമാകുന്നത്

അസത്യത്തിന്‍ അഭാവത്തിലെന്നതില്‍ ..

അസ്വാഭാവികത

അശേഷം ഇല്ലെന്നിരിക്കില്‍..

അസത്യത്തിന്‍ സത്യാവിഷ്കാരം

സത്യാന്വേഷികള്‍ക്കൊരു

സത്വമാകുമ്പോള്‍ ...

സത്യത്തിന്‍ പൊരുള്‍ നീതിന്യായങ്ങളില്‍

സംരക്ഷിതം ...!

നന്ദിനി
  

വളരുന്ന നാവുകള്‍

സ്പന്ദനം

വളരുന്ന നാവുകള്‍

വളര്‍ന്ന രോഷത്തില്‍,

വളരും ദോഷത്തെ ..

വളര്‍ത്തുദോഷമായ്‌

വിലയിടുമ്പോള്‍ ...

സ്വയമേവ അന്ധരാം

ദോഷൈകദൃക്കുകള്

സ്വഭവനത്തിന്‍

വളര്‍ത്തുദോഷങ്ങള്...

അറിയും അന്യര്‍ തന്‍

വളരുന്ന നാവിലെ

അപശ്രുതികളാം ..

വളര്‍ത്തുദോഷങ്ങളായ്..

നന്ദിനി

കഥയിലെ കവിത

സ്പന്ദനം

കഥയില്‍ കവിതയില്‍ ആശയപ്രശ്നങ്ങള്‍

ആശയാവലോകനം സ്പഷ്ടമെന്നൊരു സത്യം ..

ചിന്തിച്ചു പൂര്‍ണ്ണത  തീര്‍പ്പാക്കും കൃതികളില്‍

ചിന്താവൈവിധ്യമാം അര്‍ത്ഥവിരാമങ്ങള്‍..

കഥയും കവിതയും ഒത്തൊരുമിച്ചൊരു

സര്‍വകക്ഷീയോഗം വിളിച്ചൊരാ വേളയില്‍ ..

"ഉള്ളടക്കത്തിലെ ആശയാവിഷ്കാരം

കഥാകൃത്തുക്കള് കാണണം ,കവിതയും .."

"കഥാന്ത്യത്തില്‍ വരുന്നൊരാ സംഗമം

കവികള്‍ തിരയണം എന്നു കഥകളും .."

അടിപിടി വാക്കിലാണാരംഭമെന്നത്

കൂപ്പിയ കൈകളില്‍ സത്യം പിടഞ്ഞപ്പോള്‍ ..

"പന്തീരാണ്ടു കിടന്നൊരാ വാലിനെ"

കഥയും കവിതയും സ്മരിച്ചു അരക്ഷണം ...!

നന്ദിനി

കഷ്ടമായ ഇഷ്ടം

സ്പന്ദനം

ഇഷ്ടങ്ങള്‍ ബലിയാടുകളായി

അഷ്ടിക്ക് വക തിരയവേ..

കഷ്ടങ്ങള്‍ ഇഷ്ടക്കേടുകളായി

കലികാലം തീര്‍ക്കവേ..

അരക്ഷണം പോലും

തന്‍ കാര്യം തിരയാതെ ..

ഇഷ്ടങ്ങളില്ലെന്ന ഒഴിവുകഴിവ്

ഹാ...കഷ്ടം !

നന്ദിനി  

ഉത്തമ ഭരണം ..?

സ്പന്ദനം

രാജഭരണമോ....ഭീതിജനകവും

രാജനിന്ദയോ...കൊയ്യും തലകളും

രാജനീതിയോ ...പ്രജാക്ഷേമവും

രാജ്യസമൃദ്ധിയോ...ഭരണനീതിയും

ദേശനാശം സഹിക്കില്ല മന്നവന്‍

ദേശരോദനം ശ്രവിക്കും ആ കാതുകള്‍

പുറപ്പെടുവിക്കും വിളംബരം ധീരമായ്

പണിയും അണക്കെട്ട് ..കാക്കും പ്രജകളെ ..

രാജഭരണം പൊറുക്കില്ല കുരുതികള്‍ ...

സ്വന്തദേശത്ത്  അന്യഭരണങ്ങള്‍...

ചിന്തിക്കു ..പ്രജകളെ ഏതാണ് ഉത്തമം ...?

രാജഭരണമോ ...? ഭരണക്കുരുതിയോ ....?

നന്ദിനി    

മുല്ലപ്പെരിയാര്‍

സ്പന്ദനം

പരസ്പര വിശ്വാസധാരണകള്‍..

പ്രശ്നപരിഹാരമാകുമ്പോള്‍ ...

പ്രശ്നങ്ങളില്ലെന്ന വിശ്വാസപ്രശ്നങ്ങള്‍

പരിഹാരം തേടില്ല ,മാത്രമല്ല ...

പ്രശ്നസംഭവാര്‍ത്ഥം ഞെട്ടലില്‍ ..

സടകുടഞ്ഞരക്ഷണം മൌനാചാരണത്തില്‍..

പ്രശ്നം പരിഹരിച്ചെന്ന ആശ്വാസത്തില്‍ ...

ഞാറു നടുന്നത് പരിഹാരമാകുമോ ...?

നന്ദിനി