കുഞ്ഞു കവിതകള്‍

  സ്പന്ദനം

സുരക്ഷിതത്വം തത്വമായി

രക്ഷക ദൌത്യം നിര്‍വഹിക്കുമ്പോള്‍ ..

നഷ്ടപ്പെടുന്നതോ ...സുരക്ഷിതത്വബോധം

സുനിശ്ചയം !

------------------------------------------------

നിശ്ചയ ദാര്‍ഡ്യം നല്ലത് ..

അടിസ്ഥാനം ..

നീതിപൂര്‍വ്വകമാം ദൃഡതയില്..

നിശ്ചിതമെങ്കില്‍ ...!

----------------------------------------------------

എന്തിനോ വേണ്ടി ഓടുന്നു

എന്തോ തേടി അലയുന്നു ..

ഓട്ടവും അലച്ചിലും തീരുമ്പോള്‍

സംതൃപ്തി തേടി വലയുന്നു ...

------------------------------------------------------

വ്യക്തികള്‍ സ്വയമേ

വിഗ്രഹമാകുമ്പോള്‍ ..

വ്യക്തിത്വ വികസനം

നാല് ചുവരുകളാല്

ബന്ധിതം !‍ ‍

---------------------------------------------------

നന്ദിനി

തകര്‍ന്ന ഹവ്വ

സ്പന്ദനം

അന്നൊരു നാള്‍ ഹവ്വ തളര്‍ന്നിരുന്നു ..

അതൊരു പഴിയായി ജന്മജന്മാന്തരം,

ഇന്നു തളരുന്ന ഹവ്വ പഴിക്കുന്നു ..

തളര്‍ച്ച തരുന്നൊരാ, പഴികള്‍ തകര്‍ക്കുന്ന

വളര്‍ന്നു വരുന്നൊരാ സംസ്കാരശൂന്യത.... 

നന്ദിനി   

ഇരിപ്പിടം: കുറേ പൂക്കളും ഏറെ മൊട്ടുകളും...ആശ നല്‍കുന്ന ആശയങ്ങ...

ഇരിപ്പിടം: കുറേ പൂക്കളും ഏറെ മൊട്ടുകളും...ആശ നല്‍കുന്ന ആശയങ്ങ...: ഇരിപ്പിടം കഥാ മത്സരം : റഷീദും നന്ദിനിയും വിജയികള്‍ ഇ രിപ്പിടം സംഘടിപ്പിച്ച ബ്ലോഗര്മാര്‍ക്കായുള്ള ചെറു കഥാ മത്സരത്തില്‍ ശ്രീ ...

കുഴിച്ച കുഴികള്‍

സ്പന്ദനം

 

കുഴിച്ച കുഴിയില്‍ കുഴഞ്ഞു വീണതും

കുഴഞ്ഞ ചിന്തകള്‍ കുഴലായ് തീര്‍ന്നതും

കുഴലില്‍ അകപ്പെട്ടു ഞെങ്ങിയമര്‍ന്നതും

കുന്നോളം ചിന്തകള്‍ കുത്തി നോവിച്ചതും

പുറത്തു ചാടിയ ചിന്ത നിവര്ന്നതും

കുഴിയില്‍ അകപ്പെട്ട അപരനെ കണ്ടതും

അകന്നു മാറി അസഭ്യം പറഞ്ഞതും

അപരന്‍ രക്ഷപെട്ട് മറ്റൊരാള്‍ വീണതും

വീണത്‌ വിദ്യയായ്‌ വീണ്ടും തുടര്‍ന്നതും

കുഴിയെ പഴിച്ചതും വീണ്ടും കുഴിച്ചതും

ജീവിതയാത്രയില് തുടര്‍ന്ന് പോകുന്നതും

എന്തിനേറെ പറഞ്ഞു തളരുന്നു .....

കുഴികള്‍ അനവധി ...കുരുക്കോ ..നിരവധി ...

 

നന്ദിനി ‍

ഒരു കാര്യവും ഒരു കാരണവും

സ്പന്ദനം

ഒരു കാര്യം

കാര്യസാധ്യത്തിനായ്

കാലുപിടിക്കും ..

കാര്യം സാധിച്ചാല്‍

കാലുവലിക്കും ...

കാലുപിടിച്ചതും

കാലുവലിച്ചതും

കണ്ടവരില്ല ..

കാര്യാവസാനം .....!

ഒരു കാരണം

കാര്യങ്ങളാം കാര്യകാരണങ്ങളില്‍

കരുതിക്കൂട്ടിയ കുരുതിക്കളങ്ങളില്

കരുനീക്കി കരുവാക്കപ്പെടുമ്പോള്‍ ....

കാര്യങ്ങള്‍ കാരണങ്ങളാക്കി

കലികാലത്തില്‍ കലിതുള്ളി

കുലം മുടിച്ച കൌമാരചാപല്യം

കുത്തിനോവിക്കുന്നതോ...
മാതൃഹൃദയമെന്നതൊരു

കാരണം ....‍  

നന്ദിനി

ചെറു ചിന്ത

സ്പന്ദനം   

ചുരുക്കത്തിലെഴുതിയാല്‍

ചേര്‍ച്ചയെന്നിരിക്കിലും..

ചുരുക്കി ചെറുതായാല്‍

കുരുക്കാണെന്നതും..

ചണനൂലില്‍ തുന്നുന്ന

ചാക്ക് പോല്‍ തോന്നുന്ന..

സങ്കല്‍പ്പലോകത്തിന്

സന്നി‍വേശങ്ങളില്..‍

സാങ്കല്പ്പികങ്ങളാം

കാല്പനികതകളില്‍ ...

കാലിടറുന്നൊരാ

ബുദ്ധിസാമര്‍ത്ഥ്യങ്ങള്..

കാലനാകുന്നതോ ....?

കഷ്ടനഷ്ടങ്ങളില്‍....

നന്ദിനി  ‍

സത്യത്തിലെ സത്വം

സ്പന്ദനം

സത്യം സത്യമാകുന്നത്

അസത്യത്തിന്‍ അഭാവത്തിലെന്നതില്‍ ..

അസ്വാഭാവികത

അശേഷം ഇല്ലെന്നിരിക്കില്‍..

അസത്യത്തിന്‍ സത്യാവിഷ്കാരം

സത്യാന്വേഷികള്‍ക്കൊരു

സത്വമാകുമ്പോള്‍ ...

സത്യത്തിന്‍ പൊരുള്‍ നീതിന്യായങ്ങളില്‍

സംരക്ഷിതം ...!

നന്ദിനി