മൗനവീക്ഷണം

സ്പന്ദനം  

അപ്രിയ സത്യത്തില്‍ മൗനമോ ഭൂഷണം 

സത്യസംവാദത്തില്‍  മൗനമോ ദൂഷണം ..

മൗനം  ഭജിക്കുന്ന ഭിക്ഷു സമക്ഷത്തില്‍ 

ആത്മ സാക്ഷാത്കാര ഭഗവത് സാമീപ്യവും ..

          മൗനമാണിന്നു തന്‍ മൂടുപടമെന്ന്‍ 

          ഭീരു പറഞ്ഞു ഫലിപ്പിച്ച വാക്കുകള്‍ ...

          മൗനം ത്യജിക്കുന്ന വാഗ്മി ഭയക്കുന്നു 

          മൗനമനസ്സു തന്‍ ലക്ഷണ പിശകുകള്‍.....

മൗനമേ ..എന്തിനു മൗനിയാകുന്നു നീ ...

മൗനി  സമൂഹത്തില്‍ മാന്യനോ  ചൊല്ലു  നീ...

മൗനമേ ...നല്ലത് അപ്രിയ നേരത്ത് ...

മൗനീ ...മറക്കല്ലേ ...സത്യമാം  വാക്കുകള്‍ ...

നന്ദിനി      

മറയുന്ന പൊരുള്‍

സ്പന്ദനം 

മുട്ടിയുരുമ്മിയിരിക്കും ഇണകളില്‍ 

സംസാരം അക്ഷിയില്‍ അന്തിയുറങ്ങുമ്പോള്‍ ..

സാത്വിക പാന്ഥര്‍ തിരയും വഴികളില്‍ 

സംസാരസാഗരം പെയ്തിറങ്ങീടുമ്പോള്...

സംസാരശുദ്ധിയില് രൂപം ഭവിക്കുന്ന

സംസ്കാരം സമൂഹത്തിനുണ്മ  നല്കീടുമ്പോള്...

പുറം മോടി കാട്ടി മിനുക്കി ഒരുക്കുന്ന 

സംസാരം സാമൂഹ്യസംസ്കാരമാകുമ്പോള്‍ ...

സംസ്കരിക്കപ്പെടും സത്യസന്ധതയിലായ് 

ഒറ്റപ്പെടുന്നതോ ....ശുദ്ധ മനസ്സാക്ഷി !

നന്ദിനി ‍ ‍

രണ്ടല്ല ഒന്ന്..

സ്പന്ദനം 

ഒരു മറവിയില്‍ തുടങ്ങി 

ഒരു ഓര്‍മ്മയില്‍ കുടുങ്ങി ..

പ്രണയ തുലാസ്സില്‍ 

ഒരു താലി ഞെരുങ്ങി ..

പ്രളയാക്ഷരങ്ങളില്‍

ഒരു കയര്‍ കുരുങ്ങി ..

പ്രാണഭയത്തില്‍

ഒരു വയര്‍ പിണങ്ങി ..

നീതി പീ൦ത്തിന്‍ 

കരങ്ങളില്‍ തേങ്ങി ..

പാതയില്‍ രണ്ടായി 

യാത്ര തുടങ്ങി ...

പൈതലിന്‍ തേങ്ങലില്‍

പാത ചുരുങ്ങി ..

ചുരുങ്ങി ഒതുങ്ങി 

ഒന്നായി രണ്ടു പേര്‍ .

നന്ദിനി  

രക്തദാഹി

സ്പന്ദനം 

ഒരൊറ്റ മരത്തില്‍ ഒരു കൂട്ടം ഇലകളും

ഒരുകൂട്ടം ഇലകളില്‍ പലവിധ വര്‍ണ്ണവും

പച്ച ചെറുപ്പം പഴുത്ത വാര്‍ദ്ധക്യവും

തളിര്‍ക്കും കൊഴിയും ഹേമന്ത ശിശിരത്തില്..

 

     പിഞ്ചു തളിരിനെ നുള്ളിക്കളയുന്ന

     പാപ സാഹചര്യ പാത വിശാലവും

     പച്ചില ചവച്ചു തുപ്പുന്ന ജന്മങ്ങള്‍

     കൊട്ടിയടയ്ക്കുന്ന സദാചാരമൂല്യവും...

 

മൊട്ടു വിരിഞ്ഞു ചുവന്ന ഫലങ്ങളില്‍

വിളവ് തന്‍ അളവാം ഒരു നൂറു മേനിയും

പച്ചിലകള്‍ പിന്നില്‍ ഒളിക്കും ഫലങ്ങളെ

അടിച്ചു കൊഴിക്കുന്ന വിരുതര്‍ വാഴുന്നേരം ..

 

     കീറി മുറിഞ്ഞു തെറിക്കും ഇലകളില്‍ ‍

    ഫലങ്ങള്‍ ചിന്നിച്ചിതറി ചുവക്കുമ്പോള്‍

    ചുടുചോര വീണു മണ്ണ് നനയുമ്പോള്‍

    ചുരുട്ടിയ മുഷ്ടികള്‍ ആര്‍പ്പു വിളിക്കുമ്പോള്‍ ..

 

വിപ്ലവം കത്തിയില്‍ വീശി ഒടുങ്ങുമ്പോള്‍

ചിതറിയ പച്ചില ഉണങ്ങി പൊടിയുമ്പോള്‍

ഫലങ്ങള്‍ മരത്തിന്‍ ചുവട്ടില്‍ ചുവക്കുമ്പോള്‍

ചെഞ്ചോര പട്ടിന്‍  പുതപ്പ് വിരിക്കുമ്പോള്‍ ..

 

     വെള്ളം മറന്നു ചോര വലിക്കുന്ന

     മരത്തിന്‍ വേരുകള്‍ മറക്കുന്ന സത്യങ്ങള്‍

     വീശിയടിക്കുന്ന രോഷ കൊടുങ്കാറ്റില്‍

     കടപുഴകുന്നത് പ്രകൃതി നിയമവും ...

 

നന്ദിനി

 

നൊമ്പരം

സ്പന്ദനം

 

 

 

ഉത്തരം മുട്ടുന്ന ചോദ്യശരങ്ങളില്

ഉത്തരം കാണുന്ന സാധുജന്മങ്ങളില്‍ ‍..

ആരെയോ തേടുന്ന രാഗഭാവങ്ങളില്‍

ഉന്മാദ നര്‍ത്തനം ഭാവി കുറിക്കുമ്പോള്‍ ..

രാഗം മുറിയുന്ന തംബുരു മീട്ടുമോ ...?

ഗദ്ഗദ രേണു തന്‍ ആത്മനൊമ്പരങ്ങള്...

 

 

നന്ദിനി

‍

ശത്രുവും അസ്ത്രവും

സ്പന്ദനം

 

 

ശത്രുവില് മിത്രദര്ശനം

കാംക്ഷിക്കവേ ...

ബന്ധുവില്‍ ശത്രുദര്ശനം

വിശാല വീക്ഷണമാകവേ..

ബന്ധുദര്ശന സൗഭാഗ്യം

ദൃഷ്ടി ദൌര്‍ഭാഗ്യമാകവേ..

ബന്ധിത താത്പര്യം

ബന്ധങ്ങളില്‍ ബന്ധനമാകവേ..

ദയാഭരിതപ്രവര്‍ത്തനം

ഹൃദയ ദണ^ഡനമാകവേ ..

ബന്ധങ്ങള്‍ ബന്ധിതമാക്കുന്നു ..

" അഹം ബ്രഹ്മാസ്ത്രം ....!"

നന്ദിനി

നോട്ടത്തില്‍ ഒരു നേട്ടം

സ്പന്ദനം

ഒരു നോട്ടത്തില്‍ ഒരുമിക്കും

ഒരു നോട്ടത്തില്‍ നേട്ടമാകും

നോട്ടത്തില്‍ നേട്ടങ്ങള്‍ തേടുന്നോര്

നേടും നേട്ടങ്ങളില്‍ ...

നോട്ടം വയ്ക്കുന്നവര്‍ തന്‍ നോട്ടത്തെ

ഒരു നോട്ടത്തില്‍ അടക്കിയാല്‍ ...

നോട്ടത്തിന്‍ നേട്ടം

കടിഞ്ഞാണിന്‍  തുല്യം തീര്‍ച്ച ..!

നന്ദിനി 
‍