കുഴിച്ച കുഴികള്‍

സ്പന്ദനം

 

കുഴിച്ച കുഴിയില്‍ കുഴഞ്ഞു വീണതും

കുഴഞ്ഞ ചിന്തകള്‍ കുഴലായ് തീര്‍ന്നതും

കുഴലില്‍ അകപ്പെട്ടു ഞെങ്ങിയമര്‍ന്നതും

കുന്നോളം ചിന്തകള്‍ കുത്തി നോവിച്ചതും

പുറത്തു ചാടിയ ചിന്ത നിവര്ന്നതും

കുഴിയില്‍ അകപ്പെട്ട അപരനെ കണ്ടതും

അകന്നു മാറി അസഭ്യം പറഞ്ഞതും

അപരന്‍ രക്ഷപെട്ട് മറ്റൊരാള്‍ വീണതും

വീണത്‌ വിദ്യയായ്‌ വീണ്ടും തുടര്‍ന്നതും

കുഴിയെ പഴിച്ചതും വീണ്ടും കുഴിച്ചതും

ജീവിതയാത്രയില് തുടര്‍ന്ന് പോകുന്നതും

എന്തിനേറെ പറഞ്ഞു തളരുന്നു .....

കുഴികള്‍ അനവധി ...കുരുക്കോ ..നിരവധി ...

 

നന്ദിനി ‍