മൗനവീക്ഷണം

സ്പന്ദനം  

അപ്രിയ സത്യത്തില്‍ മൗനമോ ഭൂഷണം 

സത്യസംവാദത്തില്‍  മൗനമോ ദൂഷണം ..

മൗനം  ഭജിക്കുന്ന ഭിക്ഷു സമക്ഷത്തില്‍ 

ആത്മ സാക്ഷാത്കാര ഭഗവത് സാമീപ്യവും ..

          മൗനമാണിന്നു തന്‍ മൂടുപടമെന്ന്‍ 

          ഭീരു പറഞ്ഞു ഫലിപ്പിച്ച വാക്കുകള്‍ ...

          മൗനം ത്യജിക്കുന്ന വാഗ്മി ഭയക്കുന്നു 

          മൗനമനസ്സു തന്‍ ലക്ഷണ പിശകുകള്‍.....

മൗനമേ ..എന്തിനു മൗനിയാകുന്നു നീ ...

മൗനി  സമൂഹത്തില്‍ മാന്യനോ  ചൊല്ലു  നീ...

മൗനമേ ...നല്ലത് അപ്രിയ നേരത്ത് ...

മൗനീ ...മറക്കല്ലേ ...സത്യമാം  വാക്കുകള്‍ ...

നന്ദിനി