സ്പന്ദനം
ആകാശത്തിലൊളി മിന്നും
താരകമൊന്നു ചൊല്ലി ,
" എൻ ചിന്തകൾക്കെന്തുയരം ..
എൻ സഹചാരികളോ ഉന്നതർ "
നിലാവൊളി തൂകി നില്ക്കും
നീലത്തിങ്കൾ തലയാട്ടി
" ഇല്ലില്ല നിൻ തിളക്കം
എന്നരികിൽ നിഷ്പ്രഭം .."
രാക്കിളി പാട്ടിലലിയും
രാവിൻ മുകുളങ്ങളാർത്തു ..
" അരുണ തേജസ്സിൻ ഗാംഭീര്യം
വർണ്ണനാതീതം അതുല്കൃഷ്ടം "
കിഴക്കു ദിക്കിൽ കുമ്പിടുവാൻ
കുനിഞ്ഞ ജ്ഞാനപുംഗവൻ ,
ചിന്തിച്ചോ , അതു വെറും സൃഷ്ടി ..
താനോ, കുശവൻ തൻ മണ്‍കുടം ..
പകർന്നേകിയ പരിമളം
ജീവശ്വാസമുതിർക്കവേ,
ദൈവകണത്തെ അറിയുവാൻ
താളുകൾ തിരയുവതെന്തിന് ?
ജീവാത്മാവിൻ സ്പന്ദനം
ഉള്ളിലുടെന്നതറിയവേ ...
മഹത് സൃഷ്ടിയാം മാനവൻ
സൃഷ്ടികളിലലയുവതെന്തിന് ?
നന്ദിനി
"ദൈവകണത്തെ അറിയുവാൻ
ReplyDeleteതാളുകൾ തിരയുവതെന്തിന് ?"
ഈ വരികള്‍ കൂടുതല്‍ ഹൃദ്യം
ആശംസകള്‍.
കവിത ഇഷ്ട്ടപ്പെട്ടു.. എന്റെ ആശംസകൾ .. :)
ReplyDeleteകിഴക്കു ദിക്കിൽ കുമ്പിടുവാൻ
ReplyDeleteകുനിഞ്ഞ ജ്ഞാനപുംഗവൻ ,
ചിന്തിച്ചോ , അതു വെറും സൃഷ്ടി ..
താനോ, കുശവൻ തൻ മണ്‍കുടം ..
ചിന്തനീയമീ വരികള്‍....
കവിത ഇഷ്ടപ്പെട്ടു..., നന്മകള്‍ നേരുന്നു....
നല്ലത്.നന്നായിട്ടുണ്ട്‌.ഇനിയും വരാം.
ReplyDeleteനല്ലത് .. ഇഷ്ട്ടം ഈ വരികൾ
ReplyDeleteആശയം ഇഷ്ടപ്പെട്ടു.ആശംസകൾ
ReplyDeleteവായിച്ചതും അഭിപ്രായങ്ങൾ രേഖപ്പെടുത്തുകയും ചെയ്ത പ്രിയപ്പെട്ടവർക്ക് ഒരുപാട് നന്ദി
ReplyDeleteവായിച്ചതും അഭിപ്രായങ്ങൾ രേഖപ്പെടുത്തുകയും ചെയ്ത പ്രിയപ്പെട്ടവർക്ക് ഒരുപാട് നന്ദി
ReplyDelete